miércoles, 30 de noviembre de 2011

Como axudar aos teus fillos a estudiar

No aspecto de colaboración con outras insitucións realizamos a seguinte actividade coa Federación das Asociacións de Nais e Pais (FOANPAS).

Marien (Orientadora de CEIP Laredo) e Maite (Orientadora de Igrexa Chapela e Alexandre Bóveda) diron hoxe unha charla aberta a tódolas nais e pais co titulo:  “Como axudar aos teus fillos a estudar” nunha abarrotada sala principal no IME.







jueves, 17 de noviembre de 2011

Maltrato infantil e indicadores de risco.

Relatora : Dr. Mercedes Espinosa (Pediatra no Centro de Saúde de Sárdoma-Moledo). Realizou unha investigación e publicou un libro sobre maltrato a muller.

Temas a tratar: “Información e coordinación cos Departamentos de Orientación Escolar. Follas de derivación. Detección a través das entrevistas do maltrato infantil e indicadores de risco.”
Data: O xoves 1 de decembro de 17.00 a 19.00 horas.
Lugar: C.E.I.P. Ramón Otero Pedraio (No vial que sube á Universidade dende Pereiro a 3ª rotonda á dereita onde está a gasolineira, en frente está o colexio. Preto do novo hospital.)
Destinatarios: orientadores

Agardamos a vosa compañía.
Recibide un cordial saúdo da directiva da
ASOCIACIÓN DE ORIENTACIÓN ESOLAR “FARO DAS CÍES”

jueves, 27 de octubre de 2011

BOAS PRACTICAS CO ALUMNADO ASPERGER NA ESCOLA

Interesantísima a charla sobre a Síndrome de Asperger.

Mª José Muñiz Mirás, presidenta dá asociación ASPERGA, iluminounos sobre esta síndrome tanto dende o punto de vista de nai coma dende o punto de vista profesional.
Grazas Sesé

martes, 25 de octubre de 2011

Charla sobre Asperger

LUGAR: C.E.I.P. OTERO PEDRAYO.VIGO

DATA: MÉRCORES, 26 DE 17.00 A 19.00 HORAS.

TEMA: BOAS PRACTICAS CO ALUMNADO ASPERGER NA ESCOLA

RELATORA: Mª José Muñiz Mirás. Presidenta da asociación ASPERGA. Visitade a súa páxina web: http://www.asperga.es/.


agalega.info - Videos das noticias dos informativos da TVG

lunes, 26 de septiembre de 2011

Asamblea Xeral

CONVOCATORIA: ASEMBLEA XERAL

DATA: XOVES 29 DE SETEMBRO DE 18.00 A 20.00 H.
LUGAR: C.E.I.P. Ramón Otero Pedrayo (Vigo) No vial que sube á Universidade dende Pereiró, a 3ª rotonda á dereita onde está a gasolineira, en fronte está o colexio)

ORDE DO DÍA:
1ª Parte formativa. CHARLA ENTRE ORIENTADORES/AS
Título: “Como elaborar unha Adpatación Curricular Significativa segundo as competencias básicas”.
Relatores: Carmina ( Orientadora C.E.I.P. Souto Donas. Gondomar)
e Chiño (Orientador C.E.I.P. Castrillón. Cangas).

2ª Parte. XESTIÓN DA ASOCIACIÓN
Orde do Día:
1. Aprobación dos seguintes arquivos adxuntos:
- Asemblea Xeral. Acta 5.
- Carta que se enviará a Consellería de Educación.
- Carta que se enviará as Universidades.

2. A Tesoreira informa . Para o novo curso 11-12 continuamos coa mesma cuota anual de 10 euros na conta: 20800104930040020052.
3. Lista e recomendación de Gabinetes Psicopedagóxicos. De xeito oral comentaremos as boas prácticas ou experiencias nos diferentes gabinetes.

4. Charlas entre orientadores/as escolares.

Proposta 1: Realización de Plans Comunitarios nos Concellos. (Bueu). Compromiso co Servizo Social de Vigo para realizalo no curso 11-12. Coordinación dos servizos educativos, sociais, médicos e xurídicos.

Proposta 2: “Diagnóstico e intervención psicoeducativa no 1º ciclo de Primaria”. Precisamos relatores para esta proposta.

5. Charlas con expertos.
6. MÁIS TEMAS ...



Un saúdo moi cordial da

DIRECTIVA DA ASOCIACIÓN DE ORIENTACIÓN ESCOLAR “FARO DAS CÍES”.

sábado, 18 de junio de 2011

Cea de final de curso

Como chegamos ao final de curso co combustible na reserva decidimos repoñelo cunha cea e así poder rematar este curso onde pouquiño a pouquiño puxemos as bases para que a nosa Asociación consiga todos os obxectivos que propuxemos 

lunes, 6 de junio de 2011

ASEMBLEA XERAL

CONVOCATORIA: ASEMBLEA XERAL DATA: XOVES 9 DE XUÑO DE 18.00 A 20.00 H.
LUGAR: NA AULA DE INFORMÁTICA DO CHOUZO. (Aparcamento no 2º portal ó baixar).
ORDE DO DÍA:

1. Lectura da acta anterior da Asemblea Xeral.
2. Información da Tesoreira sobre a lista de ASOCIADOS/AS e o SALDO DO CURSO 2010/2011.COLABORADORES/AS
3. Elixir o LOGOTIPO da Asociación “Faro das Cíes.” Velos arquivos adxuntos. (...)
4. CARTA A CONSELLERÍA DE EDUCACIÓN (....)
I. Modificación do perfil profesional para poder acceder a cursos de formación.
II. Formación co Equipo de Orientación Específico (Charla con Eladio: grupos de traballo, xefe territorial).
III. Redactar a carta para a Consellería de Educación sobre a propostas de temas prioritarios na Formación dos Orientadores/as Escolares.

Temas que imos votar para por prioridade:
a) Coordinación de programas de prevención e intervención coordinados polos EOE.
b) Detección e intervención co alumnado de Altas Capacidades.
c) Experiencias e boas prácticas na escola inclusiva.
d) Deseño e implementación de programas de orientación académica en educación infantil e primaria. Casos prácticos.
e) Desenvolvemento do plan de acción titorial nun centro de infantil e primaria.
f) Desenvolvemento práctico do Plan de convivencia.
g) Trastornos de saúde mental na escola (depresión, ansiedade,.negativismo desafiante, trastorno límite de personalidade.).
h) Técnicas de dinamización de grupos entre o profesorado.
i) Programa de calidade e xestión dos procesos en Orientación escolar.

5. Charlas con expertos:
- Avaliación da charla do Dr. Blanco.
- Avaliación da charla co Dr. Sastre (Próxima problemas de conduta)
- Ofertas de charlas con expertos e asociacións:
a) Asociación Asperga.
b) Autismo Bata.
c) Gabiete Trisquel.
d) Valoración de Minusvalía.
e) Belén Martínez (Psiquiatra Nicolas Peña)
f) Jorge Valladares (psicólogo Nicolas Peña)
g) Pediatra
h) Dra. Flor.

6. Charlas e coloquios entre orientadores escolares:
PROPOSTA 1: Chiño: experiencia sobre convivencia e tamén sobre absentismo escolar.
PROPOSTA 2: Diagnóstico e intervención psicoeducativa no 1º ciclo de Primaria (relatores:.....)
PROPOSTA 3
8. Compromiso cos Servizos Sociais do Concello de Vigo: Reunión para realizar a coordinación entre os servizos educativos, médicos, sociais e xurídicos. Elaborar protocolos de derivación médica e social cos respectivos documentos modelo.
(.....)
9. Gabinetes Psicopedagóxicos nos que tiverades boas experiencias e os poidamos recomendar a pais e nais que nos piden consello.
10. Enviar unha carta ás Universidades coa especialidade en psicopedagoxía, pedagoxía, etc. ofrecendo os nosos centros e Departamentos de Orientación Escolar para que os seus estudantes realicen as súas prácticas de carreira. (.......).
11. “ I Xornadas de Orientación Escolar Faro das Cíes” (.....)
12. (Paulino) Axilizar a xestión da asociación: reparto de tarefas e creación de equipos específicos de traballo sobre diferentes temas.
13. Enriquecemento do Blog: http://www.orientavigo.blogspot.com/. Pasa subir artigos e vídeos interesantes que descubrades: orientavigo@gmail.com
14. Cea de fin de curso. Decidir a data e lugar.(...)
15. Información sobre cursos e xornadas. “Repensar o Autismo”. Organizado pola Fundación Menela. Marian e Margarita xunto con outras compañeiras que asisitiron comentarannos algo do tema.
16. MÁIS TEMAS.(Neste punto podedes propor e enviar outros temas que queirades tratar na asemblea).

Un saúdo moi cordial da
DIRECTIVA DA ASOCIACIÓN DE ORIENTACIÓN ESCOLAR “FARO DAS CÍES”.

martes, 10 de mayo de 2011

Charla do Dr. Sastre

O pasado luns, a Asociación Educativa de Orientación Escolar “Faro das Cíes” organizou una charla coloquio sobre hiperactividade: “listos pero vagos, trastes pero bos” co psiquiatra Dr. Sastre no CEIP “Otero Pedrayo”.
Abordouse o funcionamento da atención dos nenos e nenas con esta problemática que é unha das causas principais de fracaso escolar, cal é o seu pronóstico e deunos pautas de actuación pola banda da familia e como temos que manexar este trastorno na aula



 


jueves, 5 de mayo de 2011

Charla do Dr. Oscar Blanco

 
O pasado xoves 28 o neuropediatra Oscar Blanco deleitounos cunha charla a 60 orientadores.
Falaounos dos trastornos de aprendizaxe  sobre todo da dislexia e  do trastorno non verbal (TANV).

Unha interesantísima charla onde todos e todas aprendimos moitísimo e pusimos cara a unha persona que tantas veces comunicouse con nós o a través dos pais ou do correo electrónico. 

Grazas ao doutor e grazas tamén a Paulino xa que sen el non poderíamos ter estes encontros con expertos de tan alto nivel.

martes, 22 de febrero de 2011

Dislexia: Palabras al viento

O 15 de xaneiro, Documentos TV,  emitiu "PALABRAS AL VIENTO"

Palabras ao vento" é un documental sobre a dislexia, un trastorno que afecta a máis do 4% da poboación española, causa de gran parte do fracaso escolar e dalgúns problemas no desenvolvemento laboral e persoal.

En España, a dislexia aínda é unha gran descoñecida e está insuficientemente tratada nas aulas. A súa atención dende o sistema de saúde público é case inexistente. Os pais dos nenos que padecen dislexia teñen que recorrer, cos seus propios medios, aos tratamentos privados para intentar que a vida escolar dos seus fillos non se volva un pesadelo.
A lectura e a escritura son a ferramenta básica no ensino. E os disléxicos, por unha alteración neurolóxica, son incapaces de asociar correctamente o son co grafismo das letras e aprender ao ritmo dos seus compañeiros.
Científicos, deportistas, artistas e xenios creativos que marcaron a nosa historia foron disléxicos que, evidentemente, superaron a súa incapacidade se é que non foron brillantes grazas a ela. Albert Einstein, Thomas Edison, Picasso, Magic Johnson ou John Lennon tiveron que vivir coa dislexia.

A dislexia non se cura. Como explican distintos especialistas en Palabras ao vento, se corrixe ou se reconduce mediante outro sistema pedagóxico que utilice os puntos fortes do disléxico, traballando con todos os sentidos, explicándolle as cousas en lugar de facerllas ler e ensinándolle técnicas axeitadas ás súas capacidades para afrontar o texto escrito.
A Lei Orgánica de Educación recoñece que a dislexia require unha atención educativa específica e abre as portas ao seu tratamento nas aulas. Pero a falta de información e de profesores especializados dificulta a detección do problema.


Pódese ver o documental picando na foto





Altas Capacidades

Pequeno resumo das Altas Capacidades de Carmen Pomar


sábado, 15 de enero de 2011

1ª CHARLA DUN EXPERTO

TEMA: TRASTORNO DE ATENCIÓN-HIPERACTIVIDADE E PROBLEMAS DE CONDUCTA.

RELATOR: DR. SASTRE
PRESENTA: VIKY (Orientadora do C.E.I.P. Emilia pardo Bazán (Chouzo)
DATA: LUNS, 31 DE XANEIRO DE 17 A 19 horas.
LUGAR: CEFORE de Vigo
ASISTENTES: Cada orientador/a pode traer a 2 ou 3 profesores/as ou amigos/as que estén interesados no tema. Non é preciso que confirmes a túa asistencia
APARCAMENTO: De 16.30 a 17.00 horas tamén podemos aparcar no 2º aparcamento do Chouzo.
¡ANÍMÁDEVOS A VIR!


DIRECTIVA DA ASOCIACIÓN EDUCATIVA DE ORIENTADORES/AS ESCOLARES “FARO DAS CÍES”.